ባርሴሎና በድራማ በታጀበው የሱፐር ካፕ ፍፃሜ ሪያል ማድሪድን በማሸነፍ በድል ተወጥቷል

በጅዳው ክላሲኮ የታየ ውጥረት፣ ግቦች እና የመጨረሻ ደቂቃ ድራማ

እግር ኳስ አንዳዴ ምንም ትርጉም አይሰጥም  ይህ የሱፐር ካፕ ፍፃሜም ለዚህ ትልቅ ማረጋገጫ ነበር። በጅዳ የታየው ቀውጢ ምሽት የተጠናቀቀው፣ ሰዓቱ ከ96 ደቂቃ አልፎ ሁሉም የሪያል ማድሪድ ተጫዋቾች በባርሴሎና የግብ ክልል ውስጥ ተገኝተው ጨዋታውን ወደ መለያ ምት ሊወስድ የሚችል የመጨረሻ የጭንቅላት ኳስ ሲሞከር ነበር።

ራውል አሴንሲዮ ያንን ወርቃማ ዕድል አግኝቶት ነበር። ሆኖም የባርሴሎናው ግብ ጠባቂ ጆአን ጋርሲያ የጭንቅላት ኳሱን ይዞ በማስቀረት የባርሳን ድል አረጋግጧል። ያ ቅፅበት በመቀየር፣ በግቦች እና በከፍተኛ ድካም በተሞላው ክላሲኮ ባርሴሎና ዋንጫውን እንዲያነሳ አስችሎታል።

ባርሴሎና ትርምስ በነገሰበት የመጀመሪያ አጋማሽ መጠነኛ ብልጫ ወስዷል።

ጨዋታው በመጀመሪያው አጋማሽ መገባደጃ ላይ ፈንድቷል። ለመጀመሪያዎቹ 30 ደቂቃዎች ብዙም እንቅስቃሴ ባልታየበት ጨዋታ፣ ድንገት ሁሉንም ነገር ያስተናገደ ምሽት ሆኗል።

ባርሴሎና በራፊኛ አማካኝነት ቀድሞ መሪ መሆን የቻለ ቢሆንም፣ ሪያል ማድሪድ በቪኒሺየስ ጁኒየር አማካኝነት አቻ መሆን ችሏል። ባርሴሎና በድጋሚ ግብ ሲያስቆጥር ማድሪድም በድጋሚ ምላሽ ሰጥቷል። በመጨረሻም ባርሴሎና ከእረፍት በፊት ወሳኝ የሆነችውን ግብ አስቆጥሯል።

ራፊኛ እና ፔድሪ ለባርሳ ጨዋታውን ሲዘውሩ፣ ቪኒሺየስ ደግሞ ለማድሪድ ዋነኛው ስጋት ነበር። በ15 ደቂቃዎች ውስጥ አራት ግቦች የተቆጠሩ ሲሆን፣ ከነዚህም መካከል ሶስቱ በ4 ደቂቃ ውስጥ የተቆጠሩ ነበሩ  ይህም ፍፁም ትርምስ ነበር።

ራፊኛ እና ሌዋንዶቭስኪ ዋንጫውን አስገኝተዋል

ራፊኛ በምሽቱ ሁለት ግቦችን ያስቆጠረ ሲሆን በማድሪድ ተከላካዮች ላይም ተከታታይ ስጋቶችን ሲፈጥር አምሽቷል። ሮበርት ሌዋንዶቭስኪ በበኩሉ ከእረፍት በፊት ኳሷን በቲቦ ኩርቱዋ ላይ በብልሀት በማሳለፍ ሌላ ግብ አክእነዚህ ግቦች ለውጤቱ ወሳኝ ሚና ነበራቸው። ማድሪድ ወደ ጨዋታው ለመመለስ ጠንካራ ትግል ቢያደርግም፣ ባርሴሎና ግን ወሳኝ በሆኑ ቅፅፈቶች ሁሉ ተገቢውን ምላሽ መስጠት አልተሳነውም።

ማድሪድ ቢታገልም ሳይሳካለት ቀርቷል

ሪያል ማድሪዶች በቀላሉ እጅ ለመስጠት አልፈለጉም። ቪኒሺየስ ጁኒየር በግል ብቃቱ ያስቆጠራት ድንቅ ግብ ረጅም የግብ ጥማቱን ያስታገሰችለት ሲሆን፣ በጨዋታውም ላይ እጅግ ተፅዕኖ ፈጣሪ ነበር። ጎንዛሎ ጋርሲያም በግብ ክልል ውስጥ በተፈጠረ መረባበሽ ሌላ ግብ ማግኘት ችሏል።

ማድሪድ እስከ መጨረሻው ሰከንድ ድረስ ግፊት ማድረጉን ቀጥሎ ነበር፤ በጭማሪ ሰዓትም ሁለት ወርቃማ ዕድሎችን አግኝተዋል። አሴንሲዮ በጭንቅላቱ የገጫት የመጨረሻዋ ሙከራ  በግብ ጠባቂው ጆአን ጋርሲያ መክናለች።

ይህም ወሳኝ የሆነ ማዳን ባርሴሎና የሱፐር ካፕ ዋንጫን እንዲያነሳ አስችላዋለች።

ስለ ሪያል ማድሪድ እና ዣቢ አሎንሶ ጥያቄዎች ተነስተዋል

ሪያል ማድሪድ ወደ ጨዋታው ለመመለስ ከፍተኛ ትግል ቢያደርግም፣ በቡድኑ እና በአሰልጣኝ ዣቢ አሎንሶ ዙሪያ ያለው ጥርጣሬ ግን አሁንም እንደቀጠለ ነው። ይህ ጨዋታ እንደ የመጨረሻ የብቃት መመዘኛ የታየ ቢሆንም፣ ይልቁንም ያልተመለሱ ተጨማሪ ጥያቄዎችን ጭሮ አልፏል። ማድሪድ ጠንካራ የፍልሚያ መንፈስ ቢያሳይም፣ ድክመቶችም እንዳሉበት የታየበት ምሽት ነበር።

ባርሴሎና በከፍተኛ ድካም ውስጥ ሆኖ ድሉን አክብሯል

ጨዋታው ሲጠናቀቅ ባርሴሎናዎች በከፍተኛ ድካም ውስጥ ሆነው ድላቸውን አክብረዋል። ፔድሪ በጡንቻ መሸማቀቅ ምክንያት ወድቆ ስለነበር መጀመሪያ ላይ በተደረገው የደስታ አገላለፅ ላይ እንኳ መሳተፍ አልቻለም። ይህ ምሽቱን በሚገባ ይገልፀዋል፡ ቀውጢ፣ አድካሚ እና በስሜት የተሞላ ነበር።

ምናልባትም የውድድር ዘመኑ ትንሿ ዋንጫ ልትሆን ትችላለች፣ ሆኖም አሁንም ትልቅ ትርጉም አላት  በተለይ ደግሞ ድሉ በታሪካዊ ተቀናቃኛቸው ሪያል ማድሪድ ላይ ሲሆን።

ባርሴሎና ትርምሱን ተቋቁሞ ወጥቷል፤ ባርሴሎና ዋንጫውንም አንስቷል።