ፒ.ኤስ.ጂ. ደምቋል! ሻምፒዮኖቹ አታላንታን ምህረት በሌለው ጅማሬ አሸነፉ።

ፓሪስ ሴንት ዠርመን በፓርክ ዴ ፕሪንስ አታላንታን በፍፁም የበላይነት ባሸነፈበት የቻምፒየንስ ሊግ ዋንጫ የማስጠበቅ
ዘመቻቸው ላይ ፍጥነት መቀነሳቸውን የሚያሳይ ምንም ምልክት አላሳዩም። ባለዋንጫዎቹ ከተጀመረበት የመጀመሪያ ደቂቃ
ጀምሮ በኃይል ወጥተው ያጠቁ ነበር፣ አምበሉ ማርኪኞስም የጨዋታውን ድባብ ለመወሰን ሶስት ደቂቃ ብቻ ነው የፈጀበት።
ፋቢያን ሩይዝ ኳሷን ዝቅ አርጓ ወደ ሳጥኑ ውስጥ አሻገረ፣ አምበሉም በጎን እግሩ በእርጋታ ወደ መረብነት ቀየራት።
ደጋፊው በጩኸት ደስታውን ገለፀ፣ ሻምፒዮኖቹም ተመልሰዋል።

ዕድሎች በየቦታው !

ፒ.ኤስ.ጂ. ቀድሞ ጎል ከማስቆጠሩም በላይ፣ እድሎችን በተደጋጋሚ ፈጥሯል። ኑኖ ሜንዴስ የመታው ኳስ አንግሉን ታኮ ሲወጣ፣
ወጣቱ ሴኒ ማዩሉ ደግሞ ኳሱን አሻግሮ ተከላካይ ነክቶበት ወደ ላይ ወጥቷል፣ ግብ ጠባቂው ማርኮ ካርኔሴቺም ደጋግሞ አድኗል።
ባርኮላ ተከላካይ ጋር ተጋጭቶ መመለስ ሲችል፣ ሃኪሚም እንዲሁ — ነገር ግን ስታዲየም ውስጥ የነበረው ሁሉም ሰው ብዙ
ጎሎች እንደሚመጡ ያውቅ ነበር።

አታላንታ ደንግጦ ነበር፣ የተከላካይ መስመሩ ተለጥጦ ነበር እና ፒ.ኤስ.ጂ. ወደፊት በገሰገሰ ቁጥር ይደነግጡ ነበር።

የክቫራትስኬሊያ ብቸኛ አስገራሚ ጎል

ሁለተኛው ጎል በአስደናቂ ሁኔታ መጣ። ክቪቻ ክቫራትስኬሊያ ኳሱን ተቀብሎ በቀጥታ የአታላንታን የተከላካይ ክፍል በመጋፈጥ
ከ18 ሜትር ርቀት ላይ ኃይለኛ ኳስ ወደ ጎሉ ማእዘን በመምታት አስቆጠረ። በራስ መተማመን፣ ኃይል እና ችሎታ የተሞላበት
ብቸኛ ጎል — ፓርክ በደስታ ተናወጠ።
በዚያን ጊዜ፣ ፒ.ኤስ.ጂ. የማይቆም እንደሆነ ተሰማ።

የፍጹም ቅጣት ምት ድራማ

ከእረፍት በፊት፣ ፒ.ኤስ.ጂ. ሶስተኛ ጎል ለማስቆጠር ወርቃማ እድል ነበራቸው። ማርኪኞስ በሳጥኑ ውስጥ ጥፋት ተፈፀመበት፣
እናም ዳኛው በቀጥታ ወደ ቦታው አመላከቱ። ኡስማን ደምቤሌ እና ደዚሬ ዱዌ በጉዳት ምክንያት ከሜዳ ውጭ በመሆናቸው
ባርኮላ ተዘጋጀ። ነገር ግን ደካማ ሙከራውን ካርኔሴቺ በቀላሉ አድኖታል። ለአታላንታ እፎይታ ነበር፣ ግን ትንሽ ብቻ።

ከእረፍት በኋላ ምህረት የለም

በሁለተኛው አጋማሽ አምስት ደቂቃዎች በኋላ፣ ኑኖ ሜንዴስ ቀድሞ ለሳታትው ሙከራው ማካካሻ አደረገ። በግራ በኩል በፍጥነት
በመሮጥ ከጠባብ አንግል ኳሷን ካርኔሴቺን አልፎ በማስቆጠር ውጤቱን 3 ለ 0 አደረገው። አታላንታ ተሸንፎ ነበር፣ ፒ.ኤስ.ጂ.
በመረጋጋት እየተጫወተ ነበር፣ እና ሉዊስ ኤንሪኬ ከስታዲየሙ በላይ ሆነው በረጋ መንፈስ ይመለከቱ ነበር።

የመጨረሻ ሰአት ስጦታ

ለጣሊያኖቹ ነገሮች የበለጠ የከፉ ሆነባቸው፣ ራውል ቤላኖቫ በጭማሪ ሰዓት ላይ በሰጠው አስከፊ ወደ ኋላ ቅብብል ለፒ.ኤስ.ጂ.
ሌላ እድል ሰጠ። ጎንቻሎ ራሞስ ኳሷን በፍጥነት ቀምቶ፣ ግብ ጠባቂውን አልፎ፣ 4 ለ 0 የሚያደርግለትን ጎል አስቆጠረ። ምህረት
የለሽ፣ ቀልጣፋ እና አውዳሚ።

ሻምፒዮኖቹ ይበልጥ ጠንካራ ሆነው ቀርበዋል!

ከመጀመሪያ እስከ መጨረሻ ፒ.ኤስ.ጂ. የበላይነትን አሳይቷል። አታላንታ የግብ ጠባቂውን ሉካስ ቼቫሊየርን ብዙም
አላስጨነቀውም። በምትኩ፣ ሁሉም አይኖች በፒ.ኤስ.ጂ. የማጥቃት ኃይል፣ በሚያደርጉት ጫና እና በጉልበታቸው ላይ ነበሩ። ይህ
ድል ብቻ አልነበረም — ለሁሉም የአውሮፓ ክለቦች የተላለፈ መልዕክት ነበር።
ባለዋንጫዎቹ ቀጣይ ባርሴሎና እና ባየር ሌቨርኩሰንን ይገጥማሉ። ከዚያም በሜዳቸው ከባየር ሙኒክ እና ከቶተንሃም ጋር ትልልቅ
ጨዋታዎችን ያደርጋሉ። አታላንታ ግን ክለብ ብሩዥን በሜዳቸው ሲያስተናግዱ የተሻለ እንደሚሆን ተስፋ ያደርጋሉ።
ነገር ግን ከዚህ አፈጻጸም በኋላ በአድናቂዎች አፍ ላይ አንድ ጥያቄ አለ፡- ፒ.ኤስ.ጂ. ተከታታይ አውሮፓን ዋንጫ እንዳያሸንፍ ማን
ሊያግደው ይችላል?